मी पाहीलं सखेस ...!
प्रातः समयेसी,
रविकिरण आकाशी डोकावताना.
मी पाहीलं सखेस,
स्वप्न रजनीत झोकावताना.
वर-उंच नभेसी,
घन मेघ अंतरी साठवत,
मनफुल-पाकळी,
दुर-उंच भरारी घेताना.
मी पाहीलं सखेस,
वादळ, वनात झेपावताना.
गिरकी घेत सभोवती,
घनदाट वनरायी गोठवत,
झाडं, फुलं, पालवींच्या,
आठही दिशा नाचवताना.
मी पाहीलं सखेस,
चमक विजेची,
प्रकाशीत होताना.
भर पावसात मेघांशी,
जीव एकवटत कंठी,
खाली पाताळी खोलवरून
जमीनीच्याही दाही दिशा
पेटवताना...
मी पाहीलं सखेस,
सागरातील लाटांच्या वाटा,
उंचावरून, काठाशी भिडताना,
नयम-रम्य किरण साक्षीने,
रविराज सागरी बुडताना...
- ©️ प्रा. शिवाजी आर. कांबळे
☎️ मो.न. 830800335
No comments:
Post a Comment